एक सय ७८ जना सवार अमेरिकी एयरलाइन्सको विमानमा आगलागी

समाचार सुन्नुहोस : 

काठमाडौँ – अमेरिकाको डेनभर विमानस्थलमा बिहीबार अमेरिकन एयरलाइन्सको विमान बोइङ ७३७-८०० को इन्जिनमा आगलागी भएको छ। १७२ यात्रु र छ जना चालक दलका सदस्यहरू लिएर कोलोराडो स्प्रिंग्सबाट डलास-फोर्ट वर्थ जाँदै गरेको अमेरिकन एयरलाइन्सको विमानमा चालक दलले ‘इन्जिन कम्पन’ रिपोर्ट गरेपछि अवतरण गरेको थियो ।

आगलागीका कारण विमान धुवाँले भरिएको थियो।  एयरलाइन्सका अनुसार यात्रु र चालक दलका सदस्यहरूलाई गेटमै बाहिर निकालिएको थियो। एयरलाइन्सका प्रवक्ताले दुर्घटनामा कुनै पनि यात्रुलाई क्षति नभएको बताएका छन्। आगो छिटो नियन्त्रणमा लिन सफल भएकोमा एयरलाइन्सले विमानस्थल प्राधिकरणलाई आभार व्यक्त गरेको छ।