सुनको मूल्यमा नयाँ रेकर्ड, एकैदिन ४ हजारले बढ्यो

समाचार सुन्नुहोस : 

काठमाडौँ – नेपाली बजारमा सुनको मूल्यले नयाँ रेकर्ड कायम गरेको छ। हिजो बिहीबारको तुलनामा शुक्रबार सुनको मूल्य प्रतितोला चार हजार रूपैयाँ बढेको हो। नेपाल सुनचाँदी व्यवसायी महासंघका अनुसार, आज छापावाल सुनको मूल्य प्रतितोला १ लाख ७४ हजार ५ सय रूपैयाँमा पुगेको छ। बिहीबार सुन प्रतितोला १ लाख ७० हजार ५०० रूपैयाँमा कारोबार भएको थियो।

यसैगरी, चाँदीको मूल्य पनि बढेको छ। आज चाँदी प्रतितोला २ हजार ५० रूपैयाँमा कारोबार भइरहेको छ। यसरी सुन र चाँदी दुवैको मूल्यमा उल्लेखनीय वृद्धि देखिएको छ।