समाचार सुन्नुहोस :
काठमाडौँ – नेपाली बजारमा सोमबार सुनको मूल्यमा गिरावट आएको छ। नेपाल सुनचाँदी व्यवसायी महासंघका अनुसार आज छापावाल सुनको मूल्य तोलामा १ लाख ४९ हजार ३०० रुपैयाँ कायम गरिएको छ। यो मूल्य आइतबारको तुलनामा १ हजार २०० रुपैयाँले घटेको हो। आइतबार छापावाल सुन तोलामा १ लाख ५० हजार ५०० रुपैयाँमा कारोबार भएको थियो।
त्यसैगरी, चाँदीको मूल्यमा पनि कमी देखिएको छ। आइतबार तोलाको १ हजार ८४० रुपैयाँमा कारोबार भएको चाँदी सोमबार घटेर १ हजार ८१५ रुपैयाँमा झरेको छ। अन्तर्राष्ट्रिय बजारमा देखिएको मूल्य घटबढको कारण नेपालमा पनि सुन-चाँदीको मूल्यमा गिरावट आएको व्यवसायीहरूले बताएका छन्।
