काठमाडौँ – नेपाली बजारमा सुनको मूल्यले फेरि नयाँ रेकर्ड कायम गरेको छ। सोमबार ४ सय रुपैयाँले घटेको सुनको मूल्य आज १५ सय रुपैयाँले बढेर प्रतितोला १ लाख ६८ हजार ५ सय रुपैयाँ पुगेको छ। सोमबार सुन प्रतितोला १ लाख ६७ हजार रुपैयाँमा कारोबार भएको थियो।
सुनको मूल्यसँगै चाँदीको भाउ पनि बढेको छ। नेपाल सुन-चाँदी व्यवसायी महासंघका अनुसार आज चाँदी प्रतितोला २ हजार १ सय ५ रुपैयाँमा कारोबार भइरहेको छ। सोमबार चाँदीको मूल्य प्रतितोला २ हजार ६५ रुपैयाँ रहेको थियो।
