समाचार सुन्नुहोस :
काठमाडौँ – नेकपा एकीकृत समाजवादीका महासचिव घनश्याम भुसालले १०/१५ वर्ष राम्रो सरकार बनेमात्र देशमा केही परिवर्तन हुने बताएका छन् । शनिबार एक पुस्तक विमोचन कार्यक्रममा उनले देश विकासमा बाधा पुगेको मुख्य कारण भ्रष्टाचार भएको बताए।
उनले भने, “१०/१५ वर्ष राम्रो सरकार नबनेसम्म देशमा केही परिवर्तन हुँदैन। देश सकाएकै भ्रष्टाचारले हो।” महासचिव भुसालले राजाबाट नै भ्रष्टाचारको सुरुआत भएको बताए। उनले भने, “राजाबाट कांग्रेसले, कांग्रेसबाट एमालेले र एमालेबाट माओवादीले भ्रष्टाचार गर्न सिक्यो।”
उनको भनाइमा, जनताको प्रतिनिधित्वको नाममा राज्यस्रोतको दोहन भइरहेको छ।
