समाचार सुन्नुहोस :
काठमाडौँ – काठमाडौं महानगरपालिकाका मेयर बालेन साहले आफ्नो फेसबुक प्रोफाइल फोटो परिवर्तन गरेका छन्। उनले आफ्नो व्यक्तिगत फेसबुक प्रोफाइलमा पुरानो फोटो हटाएर आफनै पुत्ला दहन गर्दै गरेको फोटो राखेका छन् ।
शुक्रबार न्यूरोडमा फुटपाथ विस्तारको विरोधमा स्थानीयले उनको पुत्ला जलाएका थिए। सोही क्रममा खिचिएको उक्त फोटो उनले आफ्नो प्रोफाइलमा राखेका हुन्। शुक्रबारदेखि स्थानीयहरू फुटपाथ विस्तारको विरोध गर्दै आन्दोलित छन्। मेयर साहले पनि विरोध जनाउँदै उक्त फोटो आफ्नो वालमा राखेका छन्।
साथै, उनले उक्त फोटोमा स्माइल इमोजी पनि राखेका छन्। मेयर बालेन साहको व्यक्तिगत फेसबुक खातामा ३ लाख ३८ हजार फलोअर्स छन् भने, उनको अर्को आधिकारिक फेसबुक पेजमा २० लाख फलोअर्स छन्।
