समाचार सुन्नुहोस :
काठमाडौँ – नेकपा एमालेका अध्यक्ष केपी शर्मा ओलीले कांग्रेस सभापति शेरबहादुर देउवासँग बुधबार साँझ देउवा निवासमा भेटवार्ता गरेका छन्। भेटवार्तामा महासचिव शंकर पोखरेल र उपाध्यक्ष विष्णु पौडेल पनि सहभागी भएका थिए। यसका साथै कांग्रेसबाट सभापति देउवासहित उनकी पत्नी आरजु राणा र रमेश लेखक पनि भेटवार्तामा शामिल थिए।
बैठकमा सरकार गठन र सहकार्यलाई अगाडी बढाउने विषयमा छलफल भएको बताइएको छ। यस अघि कांग्रेसले १० र एमालेले ९ मन्त्रालय लिने सहमति बताए पनि बुधबारको छलफलमा सरकारमा अन्य दललाई सहभागी बनाउन लचिलो भएको छ। अहिले जसपा नेपाल, जसपा, नाउपा, लोसपा लगायतका दलले कांग्रेस-एमाले गठबन्धनमा सहभागी हुने बताएका छन्।
