समाचार सुन्नुहोस :
काठमाडौँ – नेपाली बजारमा आज सुनको मूल्य प्रति तोला रु आठ सयले बढेको छ। नेपाल सुनचाँदी व्यवसायी महासङ्घका अनुसार, बुधबार प्रतितोला रु एक लाख ४४ हजार एक सयमा कारोबार भएको छापावाला सुनको मूल्य आज प्रतितोला रु एक लाख ४४ हजार नौ सय पुगेको छ।
यस्तै, बुधबार प्रतितोला रु एक लाख ४३ हजार चार सयमा कारोबार भएको तेजाबी सुनको मूल्य आजका लागि प्रतितोला रु एक लाख ४४ हजार दुई सय निर्धारण गरिएको छ।
चाँदीको मूल्य पनि प्रतितोला रु १५ ले बढेको छ। बुधबार प्रतितोला रु एक हजार आठ सय ७० मा कारोबार भएको चाँदी आज प्रतितोला रु एक हजार आठ सय ८५ मा कारोबार भइरहेको छ।
