समाचार सुन्नुहोस :
काठमाडौँ – प्रधानमन्त्री पुष्पकमल दाहाल ‘प्रचण्ड’ले प्राकृतिक विपद्बाट पीडित नागरिकको उद्धार र राहत वितरणमा सक्रिय हुन निर्देशन दिएका छन्। आइतबार जारी एक वक्तव्यमा उनले बाढी र पहिरोका कारण देशका विभिन्न भागमा भएको धनजनको क्षतिप्रति गहिरो दुःख व्यक्त गरेका छन्।
प्रधानमन्त्री दाहालले बाढी र पहिरोबाट हुने सम्भावित क्षति र जोखिमलाई कम गर्न आवश्यक पूर्वतयारीका काम भइरहेको जानकारी दिएका छन्। साथै, उनले सबै नागरिकलाई सुरक्षा सतर्कता अपनाउन अनुरोध गरेका छन्।
प्रधानमन्त्रीले सरकारको प्रयासलाई थप प्रभावकारी बनाउन सबै राजनीतिक दल, नागरिक समाज र सामाजिक संस्थाहरूसँग हातेमालो गर्न आह्वान पनि गरेका छन्।
हाल देशका विभिन्न स्थानमा बाढी र पहिरोका कारण ठूलो धनजनको क्षति भएको छ भने काठमाडौं उपत्यकाका केही भाग डुबानमा परेका छन्।
