समाचार सुन्नुहोस :
काठमाडौँ – प्रहरी जवान युवराज घिमिरेको हत्या आरोपमा ६ युवकलाई पक्राउ गरिएको छ। हत्यामा संलग्न रहेको देखिएकाले उनीहरूलाई पक्राउ गरिएको जिल्ला प्रहरी परिसर, काठमाडौंले जनाएको छ। उनीहरूलाई नियन्त्रणमा लिएर अनुसन्धान भइरहेको जिल्ला प्रहरी परिसरका प्रहरी उपरीक्षक नवराज अधिकारीले बताए।
जिल्ला प्रहरी परिसरका प्रवक्ता एवं प्रहरी उपरीक्षक नवराज अधिकारीका अनुसार खोटाङको मजुवागढी गाउँपालिका–१ का स्थायी बासिन्दा प्रहरी जवान घिमिरेको शव शङ्कास्पद अवस्थामा गत शुक्रबार काठमाडौंको तार्केश्वर–९ मनमैजुस्थित निर्माणाधीन घरमा फेला परेको थियो । उनी ट्राफिक प्रहरी प्रभाग, दरबारमार्गमा खटिएका थिए।
