काठमाडौं – सत्तारूढ नेकपा माओवादी केन्द्रले जनयुद्ध दिवस मनाएको छ । पार्टी केन्द्रीय कार्यालय पेरिसडाँडामा विशेष कार्यक्रमको आयोजना गरी माओवादीले दिवस मनाएको हो ।
प्रधानमन्त्री पुष्पकमल दाहाल ‘प्रचण्ड’ सहभागी कार्यक्रममा सहिदहरूको तस्बिरमा माल्यार्पण गरिएको छ । तत्कालीन नेकपा माओवादीले २०५२ सालमा सशस्त्र युद्ध सुरू गरेको दिनलाई जनयुद्ध दिवसका रूपमा मनाउँदै आएको छ ।
यसवर्ष जनयुद्ध दिवसका दिन सरकारले सार्वजनिक बिदा दिएको छ । तर यो निर्णयको आलोचनासमेत भइरहेको छ ।
