काठमाडौँ – अमेरिकाकी राजनीतिक मामिला उपमन्त्री भिक्टोरिया नुल्याण्डले आज उच्चस्तरीय राजनीतिक भेटवार्ता गर्ने भएकी छिन्। आइतबार साँझ काठमाडौँ आइपुगेकी नुल्याण्डले सोमबार बिहान करिब १० बजे प्रधानमन्त्री पुष्पकमल दाहाल प्रचण्डसँग भेट गर्ने कार्यक्रम तय भएको प्रधानमन्त्रीको सचिवालयले जनाएको छ।
लगत्तै उनले ११ बजे परराष्ट्रमन्त्री डा. विमला राई पौडेलसँग सिंहदरबारमा भेट गर्नेछिन्। भेटमा एमसीसी परियोजना कार्यान्वयन लगायतका विषयमा छलफल हुने अनुमान छ। नुल्याण्डले राजनीतिक भेटघाटसँगै सांस्कृतिक सम्पदाको भ्रमण गर्ने जनाइएको छ।
