काठमाडौँ – प्रधानमन्त्री पुष्पकमल दाहाल प्रचण्डले इसा अवार्ड प्राप्त गरेकोमा वरिष्ठ नेत्र चिकित्सक डा. सन्दुक रुइतलाई बधाई दिएका छन् ।आज बिहान सामाजिक सञ्जालमार्फत बधाई दिँदै प्रधानमन्त्री दाहालले मानव कल्याणको क्षेत्रमा डा. रुइतको योगदान देशका लागि प्रशंसनीय रहेको बताएका छन् ।
बधाई सन्देशमा प्रधानमन्त्रीले राज्यसँग डा. रुइतले गरेका अपेक्षालाई सरकारले गम्भीरतापूर्वक लिने पनि उल्लेख गरेका छन् । ‘वरिष्ठ नेत्र चिकित्सक डा. सन्दुक रुइतले प्रतिष्ठित इसा अवार्ड प्राप्त गर्नुभएकोमा हार्दिक बधाइ ज्ञापन गर्दछु । मानव कल्याणको क्षेत्रमा उहाँको योगदान देशकै लागि प्रतिष्ठित र प्रशंसनीय छ । राज्यसँग उहाँले गरेका अपेक्षालाई सरकारले गम्भीरतापूर्वक लिनेछ’, प्रधानमन्त्री दाहालले भनेका छन् ।
