काठमाडौँ – स्याङ्जा निर्वाचन क्षेत्र नं. २ मा नेपाली कांग्रेसका धनराज गुरुङले मतान्तर बढाएका छन् । उनले नेकपा नेकपा (एमाले) की पद्मा कुमारी अर्यालसँगको मतान्तर बढाएका हुन् ।पछिल्लो मत परिणामअनुसार अर्यालभन्दा गुरुङ १ हजार १ सय ३५ मतले अगाडि छन् । अहिलेसम्म कांग्रेसका गुरुङले ४ हजार ५९० मत पाएका छन् ।
त्यस्तै, एमालेकी अर्यालले ३ हजार ४५५ मत ल्याएकी छन् । स्वतन्त्र पार्टीका उम्मेदवार टिकराज गुरुङले १ हजार २१ मत पाएका छन् । स्याङ्जा–२ मा अहिलेसम्म गल्याङ नगरपालिका–६ र ७ तथा भीरकोट नगरपालिका–५, ६, ७ र ८ गणना भइसकेको छ । अहिले भीरकोटकै ९ नम्बर वडाको मत गणना भइरहेको छ ।
