टोकियो – जापानमा फेरी कोरोना भाइरस (कोभिड-१९) को संक्रमण बढ्दै गएको छ । पछिल्लो दुई दिनमा मात्रै देशभर एक लाख चार हजार ६९४ जनामा कोरोना भाइरसको संक्रमण देखिएको छ । शनिबार ५२ हजार ७४१ जनामा कोभिड संक्रमण देखिएको स्वास्थ्य तथा जनसंख्या मन्त्रालयले जनाएको छ ।
कोरोना भाइरस संक्रमण बढ्दै गएपछि विज्ञहरूले देश संक्रमणको सातौं लहरमा प्रवेश गरिरहेको चेतावनी दिएका छन् ।
सातौं लहरको जोखिमलाई ध्यानमा राखेर सरकारले नयाँ सङ्क्रमितको वृद्धिलाई नियन्त्रण गर्न सामाजिक र आर्थिक गतिविधिहरू नरोकि युवाहरूमाझ कोभिड–१९ बूस्टर खोपको प्रवर्द्धनका लागि पहल गरिरहेको छ । युवा पुस्तामा नयाँ केसहरू तीव्र गतिमा बढिरहेको तथ्यांकले देखाएको छ ।
चिकित्सा प्रणालीलाई तनावपूर्ण हुन नदिन सरकारले कोरोना भाइरसका वृद्ध बिरामीहरूलाई आफू बसेको हेरचाह केन्द्रमा उपचार गराउने प्रणाली पनि ल्याइरहेको छ ।
