काठमाडौँ – एप्पलका विभिन्न सेवाहरु सोमबार केही समय बन्द भएका छन्। एप्पलको सपोर्ट पेजका अनुसार सोमबार केही सेवाहरु बन्द भएका थिए ।
एप स्टोर, आइम्यासेज, म्याप्स, एप्पल आर्केड, आइट्युन स्टोर, एप्पल पडकास्ट र एप्पल टिभी प्लको सेवा प्रभावित भएको हो । तर अहिले ती सबै सेवाहरु नियमित भएका छन् ।
एप्पलका केही नेटवर्कहरु तीन घण्टाका लागि डाउन भएका थिए। यस्तै आइक्लाउडका क्यालेन्डर र मेलसहितका केही सेवाहरु पनि प्रभावित भएका थिए ।
एप्पलले सेवा केही समयका लागि पहुँचबाट बाहिर गएको बताए पनि त्यसको कारण भने खुलाएको छैन।
