टोकियो – कोरोना भाइरस फेरि द्रुत गतिमा फैलिन थालेको छ । यसको संक्रमण देशव्यापी देखिएको छ । जापानमा हिजो बुधबार एकैदिन ४१ हजारभन्दा धेरै कोभिड-१९का संक्रमित थपिएका छन् । यो नै पछिल्लो समयको सबैभन्दा उच्च दैनिक संक्रमण संख्या हो ।
संक्रमितको संख्या बढदै गएपछि देशभरको मुख्य–मुख्य सहरमा जोखिम बढदै गएको छ । खासगरी मुख्य सहरमा दैनिक संक्रमितको संख्या उच्च छ । हिजो टोकियोमा मात्रै ७ हजार ३ सय ७७ जनामा कोभिड देखिएको छ । त्यस्तै ओसाकामा ६१०१, कानागावामा २२८८, साइतामामा २२१५, आइचीमा २८८१, चिवामा १६०५, ह्योगोमा २५१४, फुकुओकामा २२०८, ओकिनावामा १४३३, होक्काइडोमा ११७०, क्योतोमा १२०२ र हिरोशिमा १०४२ जनामा संक्रमण पुष्टि भएको छ ।
संक्रमित बढेसँगै अस्पतालमा बस्नेको संख्या पनि बढदै गइरहेको छ । जोखिम बढदै गएपछि देशका १६ प्रान्तमा सरकारले कोरोना नियन्त्रण गर्न अर्ध-आपतकालको घोषणा गरिसकेको छ । त्यस्तै सरकारले बढी जोखिम रहेकोले घरबाहिर ननिस्कन र अतिआवश्यक कामबाहेक बाहिर नजान आग्रह गरिरहेको छ ।
,
