काठमाडौं – नेपालमा पछिल्लो २४ घण्टामा २८३ जनामा कोरोना संक्रमण पुष्टि भएको छ । योसँगै नेपालमा हालसम्म संक्रमित हुनेको कुल संख्या २ लाख ७० हजार ३७५ पुगेको स्वास्थ्य मन्त्रालयले जनाएको छ ।
त्यस्तै कोरोना भाइरसका कारण थप ३ जनाको मृत्यु भएसँगै कोरोनाबाट मृत्यु हुनेको कुल संख्या २ हजार २० पुगेको छ । त्यसैगरी, पछिल्लो २४ घण्टामा कोरोना संक्रमण मुक्त हुनेको संख्या २४६ रहेको मन्त्रालयको तथ्यांक छ । योसँगै संक्रमण मुक्त हुनेको कुल संख्या २ लाख ६५ हजार ६९ पुगेको बताइएको छ ।
मन्त्रालयका अनुसार हाल नेपालमा सक्रिय संक्रमितको संख्या ३ हजार २८६ रहेको छ । हालसम्म नेपालमा २० लाख ५७ हजार ६९ वटा नमुनाको पिसिआर परीक्षण गरिएको मन्त्रालयको भनाइ छ ।
