टोकियो – स्पेसपोर्ट जापान एसोसिएसन’ का जापानी आर्किटेक्टहरुले भविष्यको स्पेसपोर्टको अवधारणा डिजाइन गरेका छन् । निकै आकर्षक तथा कलात्मक देखिने चार तल्ले स्पेसपोर्ट ‘टोकियो बे’ किनारमा पानीमा तैरने किसिमले डिजाइन गरिएको छ । यो प्रशान्त महासागरको एक क्षेत्र हो ।
परम्परागत एयरपोर्ट जसरी डिजाइन गरिएको ‘स्पेसपोर्ट जापान’ मा अन्तरिक्ष यानहरु विभिन्न गेटहरुमा अवतरण गर्नेछन् । यस अवधारणालाई सकेसम्म चाँडो यथार्थमा रुपान्तरण गर्ने र देशको अन्तरीक्ष उद्योगको विस्तार गर्ने कुरामा जापानी आर्किटेक्टहरु आशावादी छन् ।
बगैंचा र कृषि योग्य जमिन रहने गरी स्पेसपोर्टको डिजाइन माथि एक सोलार प्यानल ‘होभर’ गरिनेछ । स्पेसपोर्टमा व्यक्ति र व्यक्तिगत गतिशीलता र अन्य साधनहरुका लागि सार्वजनिक स्थान पनि रहने छ ।
स्पेसपोर्टको सोलार प्यानललाई छेड्दै दुई वटा टावरहरु राखिने छन् । स्पेस प्लेनहरुको प्रत्येक प्रस्थान र आगमनमा समर्पित टावरहरुले पोर्टलाई टाढैबाट पहिचान योग्य बनाउने छ ।
टावरको माथिल्लो भागमा यात्रुहरुले स्पेस प्लेनहरुको प्रस्थान हेर्न मिल्ने सुविधा जडान गरिएको छ । जसबाट यात्रुहरुले दुई घण्टाको स्पेस सटल अनुभव लिन सक्नेछन् ।
स्पेसपोर्टले अन्तरीक्षमा आधारित अनुसन्धान र व्यवसायको सेवा प्रदान गर्नेछ । होटल कला संग्राहलय, जिम एक्वेरियम र सिनेमासमेत रहने स्पेसपोर्टमा यात्रुहरुको मनोरञ्जनलाई ध्यान दिइने जनाइएको छ ।
