टोकियो – भनिन्छ उमेर एउटा नम्बर मात्रै हो । यदि तपाईलाई कुनै पनि कुरा हासिल गर्ने चाहना छ भने त्यो कुनै पनि उमेर हासिल गरेरै छोड्नुहुनेछ । यस्तै एउटा घटना जापानमा भएको छ । जापानमा ९० वर्षकी एक वृद्धाले एक युट्युब गेम खेलेर गिनिज बुक अफ वर्ल्ड रेकर्डमा नाम लेखाएकी छन् ।
उनको नाम हमाको मोरी रहेको छ र उनी जापानकी हुन् । हालै मात्र उनलाई गिनिज वर्ल्ड रेकर्डस्द्वारा संसारकै सबैभन्दा पुरानो गेमिंग युट्युबरको उपाधि दिइएको छ । उनलाई मानिसहरु मायाँ गरेर गेमिंग ग्रान्डमदरको रुपमा बोलाउने गर्दछन् । इन्टरनेटमा उनको यहि नाम फेमस छ । उनले मिडियासँग कुरा गर्दै गेम खेल्न धेरै मन पर्ने बताएकी छन् । उनले ३९ वर्षको समय देखि गेम खेल्न शुरु गरेको बताइन् ।
उनले सन् २०१५ मा आफ्नै एक युट्युब च्यानल बनाएकी थिइन् । उनी आफ्नो च्यानलमा महिनामा ४ देखि ५ वटा भिडियो अपलोड गर्दछिन् । भिडियोमा उनी कल अफ ड्युटी, डुनलेस र एनआईईआर अटोमेटा सहित केहि अनलाईन गेम खेल्छिन् ।
उनी सबैभन्दा धेरै जीटीए भी खेल्न मन पराउँछिन् । उनी उक्त गेम केहि दिनसम्मै खेल्न सक्छिन् । उनको च्यानलमा २ लाख ७० हजार सब्सक्राइबर्स रहेका छन् ।
एक युटुब भिडियोमार्फत उनले सबैमा धन्यवाद ज्ञापन समेत गरेकी छन् । हेर्नुहोस् भिडियोः
