काठमाडौँ – इराकमा हालै आईएसआईएस सम्बद्ध एकजना पक्राउ परे । आईएसका उच्चस्तरीय नेता अबु अब्दुल बरी पक्राउ परेका हुन् । तर उनीबारे केही अनौठा खबर बाहिर आएका छन् । अत्याधिक मोटोपनका कारण उनलाई प्रहरीले भ्यानमा राख्न समेत सकेन ।
उनलाई लिनका लागि मिनी ट्रक लगिए पनि नअटाएको कुरा स्थानीय मिडियाले जनाएका छन् । स्थानीय मिडियाका अनुसार उनी उत्तेजित भाषण गरी कार्यकर्तालाई सुरक्षाफौज विरुद्ध भड्काउन सक्षम मानिन्छन् ।
तर पछिल्लो समय उनी मोटाउँदै जाने रोग (ओभेसीटी)का कारण थलिएरै बसेका थिए । अब्बुको २ सय ५० केजी तौल रहेको बताइएको छ । उनी रहेकै स्थानमा प्रहरी पुगेर उनलाई पक्राउ गरेको हो ।
