काठमाडौं – इङ्लिस प्रिमियर लिग फुटबलमा म्यान्चेस्टर युनाईटेडले टोटनह्याम हट्सपरलाई पराजित गरेको छ । गएराति टोटनह्यामको मैदानमा भएको खेलमा म्यान्चेस्टर युनाईटेड १–० ले विजयी भयो ।
पूर्व खेलाडी ओले गुना सोल्सायर प्रशिक्षकमा नियुक्त भएपछि युनाइटेडको यो लगातार छैटौं जित हो । गएराति टोटनह्यामविरुद्ध म्यान्चेस्टर युनाईटेडलाई विजयी गराउन मार्कस रास्फोर्डले निर्णायक गोल गरे ।
जितसँगै म्यानचेष्टर युनाइटेड ४१ अंक बनाउँदै लिगको अंक तालिकामा पाँचौं स्थानमा उक्लिएको छ ।
यो पराजयका कारण टोटनह्यामलाई भने उपाधि अभियानमा धक्का लागेको छ । ४८ अंक बनाएको टोटनह्याम लिग लिडर लिभरपुलभन्दा ९ अंकले पछि परेको छ ।
प्रिमियर लिग अन्तर्गत गएराति नै भएको अर्को खेलमा एभर्टनले बर्नमाउथलाई २–० ले हराएको छ ।
लिगमा आज राती हुने खेलमा शीर्ष स्थानको म्यान्चेस्टर सिटीले वुल्भरह्याम्पटन वान्डरर्ससँग खेल्नेछ ।
