काठमाडाैं – नेपालले साफ महिला च्याम्पियनसिप फुटबल प्रतियोगिता आयोजना गर्ने भएको छ । अखिल नेपाल फुटबल संघ (एन्फा) का अनुसार दक्षिण एसियाली फुटबल महासंघले प्रतियोगिता आयोजना गर्ने जिम्मा नेपाललाई दिएको हो ।
प्रतियोगिता आगामी मार्च ११ देखि २१ सम्म हुनेछ। प्रतियोगितामा भाग लिने टिमको भने अहिले टुंगो लागिसकेको छैन । महिला साफ च्याम्पियनसिप यसअघि श्रीलंकाले आयोजना गर्ने बताइएको थियो। यसअघिका चार संस्करणको सबै उपाधि भारतले जितेको थियो ।