काठमाडौं – समारा रङ्गशालामा मेक्सिको र ब्राजिलबीच भएको नकआउट चरणको खेलमा ब्राजिल २-० ले विजयी भएर विश्वकप फुटबलकाे क्वार्टरफाइनलमा प्रवेश गरेको छ ।
ब्राजिलले मेक्सिकोलाई २-० गोल अन्तरले पराजित गरेकाे हो । लीग चरणमा जर्मनीलाई हराएको मेक्सिकोले आजको म्याचमा ब्राजिललाई पनि स्तब्ध पार्ने धेरैको आशंका थियो ।
खेलको पहिलो हाफमा मेक्सिकोले ब्राजिललाई राम्रै दबावमा पारेकाे थियाे । ब्राजिलका स्टार खेलाडी नेइमारले उसको जीतमा ठुलो योगदान गरे । उनले ५१ औं मिनेटमा गोल गर्दै ब्राजिललाई अग्रता दिलाए ।
निर्धारित समयको खेल सकिन २ मिनेट बाँकी रहँदा फर्मिनोले दोस्रो गोल गरेका थिए । उनले नेइमारबाट प्राप्त पासलाई गोलमा परिणत गरेका थिए।
हेर्नुस् नेइमारले गोल गर्दाको क्षणको भिडियो(सौजन्य: फिफा टिभी):
