काठमाडौं – फिफा विश्वकप फुटबलमा सेनेगलविरुद्ध एक गोलले पछि परेको जापान खेलमा फर्किएको छ । ताकासी इनुईले गोल गर्दै जापानलाई खेलमा फर्काएका हुन् ।
एक्टेरीङबर्ग स्टेडियममा खेलको ३४ औं मिनेटमा ताकासीले गोल गर्दै खेल १ – १ को बराबरीमा ल्याए । यस अघि खेलको ११ औं मिनेटमा साडियो मानेले गोल गर्दै सेनेगललाई अग्रता दिलाएका हुन् । जापानको किपरले पन्च गरेर क्लियर गर्न खोजेको बल मानेलाई ठोक्किएर गोल भएको थियो ।
जारी खेलमा दुवै टोली ३ अंक प्राप्त गर्ने लक्ष्यसहित मैदानमा उत्रिएका छन् । र, पहिलो खेलको जितले दुवै उत्साहित रहेका छन् ।दुवै टोली ३ अंक जोड्दै नकआउट चरणमा पुग्न चाहन्छ ।
एसियाली पावर हाउस जापानले पहिलो खेलमा कोलम्बियालाई २ – १ ले पराजित गरेको थियो । सेनेगलले पोल्याण्डलाई २ – १ ले नै हराएको थियो ।
