काठमाडौं– नेपाल आदिवासी जनजाति महासंघ र थारु संयुक्त संघर्ष समितिले संयुक्त रुपमा आव्हान गरेको आन्दोलनमा गोली लागी घाइते धनबहादुर थनैत थारुको मृत्यु भएको छ । उपचारको क्रममा मंगलबार राति काठमाडौंको शिक्षण अस्पताल महाराजगञ्जमा उनको निधन भएको हो ।मन्त्रिपरिषद् बैठकले उपचारका लागि भारतको नयाँ दिल्ली पठाउन निर्णय गरे पनि दिल्ली पठाउनु अघि नै उनको निधन भएको हो । नवलपरासीको डण्डा बजारमा बैशाख २७ गते भएको शान्तिपूर्ण विरोध प्रदर्शनमा प्रहरीले अन्धाधुन्द गोली वर्षाउँदा उनी घाइते भएका थिए । सो क्रममा प्रहरीको संरक्षणमा डण्डा बजारमा रहेको थारु सांस्कृतिक संग्रहालय पनि जलाइएको थियो ।
गोलीकाण्ड तथा दमनमा परि दर्जनौं साथीहरु घाइते भएका थिए । थनैतका श्रीमती, एक छोरा र छोरी छन् ।
नेपाल आदिवासी जनजाति महासंघ र थारु संयुक्त संघर्ष समितिले बुधबार बिहान विज्ञप्ती जारी गर्दै धनबहादुर थारु थनैतको हत्याको घोर भर्त्सना गरेका छन् ।
