डर्विन- कप्तान विराट कोहलीले शतक प्रहार गरेपछि दक्षिण अफ्रिका विरुद्धको पहिलो एकदिवसीय खेलमा भारतले सानदार जित हात पारेको छ। बिहीबार डर्विनमा भएको खेलमा भारतले दक्षिण अफ्रिकालाई ६ विकेटले पराजित गरेको हो।
दक्षिण अफ्रिकाले दिएको २ सय ७० रनको लक्ष्य भारतले ४५.३ ओभरमा ४ विकेटको नोक्सानीमा पार गर्यो। भारतका लागि कप्तान विराट कोहलीले १ सय १२ रन जोडे। उनको यो एकदिवसीय खेलमा ३३ औं सतक हो। भारतका लागि अजिन्का राहाणेले ७९ रनको योगदान दिए।
त्यसअघि टस जितेर पहिले ब्याटिङ गरेको दक्षिण अफ्रिका ५० ओभरमा ८ विकेट गुमाएर २ सय ६९ रन जोड्यो। उसका लागि फाप डु फ्लेसिसले १ सय २० रन जोडे।
बलिङतर्फ भारतका कुलदिप यादवले ३ र युजभेन्द्र चहालले २ विकेट लिए।