काठमाडौं– चर्चित अभिनेत्री रेखा थापाले पति छवि ओझासँग सम्बन्ध विच्छेद प्रक्रिया सुरु गरेपछि नयाँ श्रीमानको चर्चा फिल्मी क्षेत्रमा चल्न सुरु भएको छ ।
तीन दशकदेखि नेपाली फिल्म क्षेत्रमा सक्रिय छविसँग सम्बन्ध बिग्रिएपछि रेखाले १२ वर्ष लामो वैवाहिक जीवन अन्त्य गर्दैछिन् । उनीहरुबीच सम्बन्ध विच्छेद गर्ने पक्कापक्की भए पनि सम्पत्तिको विषयमा कुरा मिल्न सकेको छैन ।
स्रोतका अनुसार सिने पत्रकार प्रकाश सुवेदीको उपस्थितिमा छवि र रेखाबीच सम्बन्ध विच्छेद गर्ने सहमति त भयो तर केही समस्या पैदा भए । रेखा छविको सम्पत्ति चाहन्छिन् तर विवाह दर्ता नभएकाले कानुनीरुपमा रेखा तल छिन् ।
यसैबीच नेपाली सञ्चारमाध्यमले रेखाले विदेशमा बस्ने एक नेपालीसँग विवाह गर्न लागेको समाचार प्रकाशन गरेका छन् । ती व्यक्तिको नाम नखुले पनि रेखाले एउटा घर किनिसकेको चर्चा छ ।