काठमाडौं- १२ इस्लामिक महिलाको नेतृत्व गर्दै साउदी अरेबियाकी राजकुमारी रिमा बन्दर अल सउद खुशी सगरमाथा आधार शिविर पुगेर फर्केकी छिन् ।कान्तिपुर दैनिकका अनुसार उनी नेतृत्वको टोलीले बिहीबारमात्रै आधार शिविरसम्म पुगेर सकुशल काठमाडौं फर्किएको छ । आफ्नो अभियानले साउदीमा नेपाली महिलालाई हेर्ने दृष्टिकोणमा परिवर्तन आउने उनको विश्वास छ ।
पदयात्राबाट साउदी फर्केपछि नेपालको प्रचार गर्ने खुशीले बताइन् । साउदीका महिलामा देखिएको स्तन क्यान्सरबारे चेतना फैलाउन आफूले पदयात्रा गरेको उनले बताइन् ।
