काठमाडौं – मधेसी जनअधिकार फोरम (गणतान्त्रिक)का अध्यक्ष जयप्रकाश प्रसाद गुप्ताले संयुक्त लोकतान्त्रिक मधेसी मोर्चाका शीर्ष नेताहरुलाई जेलबाटै पत्र लेखेका छन् ।गुप्ताले बिहीबार डिल्लीबजार कारागारबाट मेधसी मोर्चाका नेतालाई चार पृष्ठ लामो पत्र लेखेर सहमतिलाई ‘मधेस आनदोलनका उपलब्धिहरुको रक्षा र प्राप्तिको सन्दर्भमा एक दुघर्टना’ भन्नुभएको छ ।
भ्रष्टाचार मुद्दामा जेलमा रहेको गुप्ताले ११ प्रदेशको संघीयता सहमतिबारे मोर्चाका अध्यक्षलाई चार पृष्ठ लामो पत्र लेखेका छन् । पत्रमा मधेसलाई पाँच टुक्रा पारेकोमा आपत्ति जनाउँदै ११ प्रदेशविरुद्ध संघर्ष गर्न अपील गरेका छन् । उनले ठूला दलले मधेसलाई स्वीकार नगरेकोमा पनि चिन्ता व्यक्त गरेका छन् । ***
