काठमाडौं– आफ्नै चालकलाई हुँदै नभएको जग्गा बेच्ने पूर्वमन्त्री खगेन्द्र प्रसाईं पक्राउ परेका छन् ।लमजुङका दुर्गा परियारलाई हुँदै नभएको जग्गा ‘राम्रो छ’ भन्दै बिक्री गरेर साढे पाँच लाख रुपैयाँ लिएको आरोपमा प्रसाईं पक्राउ परेका हुन् । प्रसाईं एमाले अध्यक्ष झलनाथ खनाल नेतृत्वको मन्त्रिमण्डलमा संस्कृतिमन्त्री थिए ।
प्रसाईं संस्कृति मन्त्री हुँदा परियार उनका सवारी चालक थिए । काठमाडौं प्रहरीले प्रसाईंलाई अनुसन्धानका लागि नियन्त्रणमा लिएको जनाएको छ । प्रसाईंको ठगी काण्डमा संलग्न दुई जना भने फरार छन् ।
