टोकियो– जापान सरकारले अनलाइन प्रशासनिक सेवाहरु अब सामाजिक संजालका साइटहरुबाट माइनम्बर कार्ड प्रयोग गरी लिन सकिने ब्यवस्था मिलाउने योजना बनाएको आसाहि टेलिभिजनले जनाएको छ । माइनम्बर कार्ड प्रयोग गरी प्रशासनिक सेवा दिनको लागि “माइनापोर्टल” नाम गरेको पोर्टल साइट बनाई सो साइटलाई बिभिन्न सामाजिक संजालसंग जोड्ने योजना बनाएको पनि समाचारमा उल्लेख छ । सो सेवा आउँदो शरद ऋतु देखिनै लागु गरिने योजना रहेको बताईएको छ ।
सरकारी अधिकारीहरुका अनुसार माइनापोर्टललाई विभिन्न सामाजिक संजालहरुसंग जोडी माइनम्बर कार्ड टच गरेपछि निश्चित प्रशासनिक सेवाहरु लिन सकिने बनाउन खोजिएको हो । त्यसको लागी जापानीहरुले बढि प्रयोग गर्ने गरेको सामाजिक संजाल लाइनसंग बार्ता भईरहेको समाचारमा बताईएको छ । भबिष्यमा सो पोर्टल प्रयोग गरी करको भुक्तानी तथा होइकुएनको फारम भर्ने लगायतका विभिन्न सरकारी कामहरु गर्न सकिने छ ।
गतबर्षदेखि लागु गरिएको माईनम्बर कार्डप्रति नागरिकहरुको खासै चासो नबढेको र हालसम्म करिब १० प्रतिशतले मात्र सो कार्ड लिएकोले माईनम्बर कार्ड सकेसम्म बढि लागु गर्ने उदेश्यले यो योजना ल्याईएको अधिकारीहरुको भनाई छ ।
हेर्नुहोस् समुद्रपारि हाइलाइट्स :