काठमाडौं- स्थानिय बिकासमन्त्री एवंम् एकीकृत नेकपा माओबादी स्थायी समिति सदस्य टोपबहादुर रायामाझीले जातीय आधारमा संघियता असंभव रहेको बताएका छन् ।रिपोर्टर्स क्लब नेपालले सोमबार आयोजना गरेको साक्षात्कारमा बोल्दै मन्त्री रायामाझीले जातिय आधारमा संघियता हुनुपर्छ भन्ने पक्षमा माओबादी नरहेको स्पस्ट पारे । उनले भने ‘जातिय आधारमा संघियता बनाए सांप्रदायिक सद्भाव भड्कन सक्ने खतरा हुन्छ र देशको अखण्डतामा आाच आउन सक्छ ।’ उनले मोहनबिक्रम सिंह, चित्रबहादुर केसी, अध्यक्ष कमल थापा र आफ्नै पार्टीका उपाध्यक्ष मोहन बैद्य किरणको सम्बन्ध दरबारीयासंग रहेको बताए । ‘मोहन बिक्रम सिंह, कमल थापा र किरणजीहरुको ट्रेण्ड दरबारीयासंग मिल्छ,’ रायामाझीले भने ‘उनीहरुको कदम दरबारिया,प्रतिक्रान्तिकारी, प्रतिक्रियाबादी र घातक छ ।’
उनले संघियता बिरोधी कित्तमा उभिएका मोहनबिक्रम सिंह, चित्रबहादुर केसी, कमल थापा र किरणजीहरुको धार दरबारियासंग मिलिरहेको दाबि गरे । उनले भने ‘संघियताका बिरोधीहरु अहिले जातिय आधारमा राज्य पुनसंरचना गर्नुपर्छ भन्दैछन्, त्यो कदापी पुरा हुादैन ।’ उनले पछिल्लो समय किरणजीको सम्बन्ध दरबारियाहरुसंग मेल खाएको दलिल प्रस्तुत गरे । ‘किरणजीहरुले बाहिर जे देखाएपनि भित्री रुपमा भने संघियता बिरोधी हुन ।’ सिंह, केसी, थापा र बैद्यजीहरुको जनआन्दोलन, संघियता र शान्ति प्रक्रियामा कुनैं भूमिका र योगदान नैं नरहेको बताए । ‘ एक साता भित्र शिबिर खाली हुन्छ, लडाकु सेना मातहत आउाछन र हतियार राज्यले लिन्छ र शान्ति प्रकृया निष्कर्षमा पुग्छ’ उनले भने ‘त्यसपछि डा. बाबुराम भट्टराईकै नेतृत्वमा बन्ने राष्ट्रिय सहमतिको सरकारमा कांग्रेस र एमाले पनि आउछन् ।’
