पाँचथर – पाँचथरको याङ्नाम–८ बाँस्बोटेका नरकुमार केरुङको घरमा आज आगलागी हुँदा करिब रु पाँच लाखबराबरको क्षति भएको छ ।
आगलागीमा परी केरुङका दुृईवटा घर पूर्णरुपमा क्षति हुँदा रु पाँच लाख बरावरको क्षति भएको प्रहरीले जनाएको छ । आगलागीबाट घरभित्र रहेको लत्ताकपडा, सुनचाँदीलगायतका सामग्री जलेर खरानी भएको स्थानीय विक्रम केरुङले जानकारी दिनुभयो ।
भान्साकोठाबाट सुरु भएको आगलागी स्थानीयको सक्रियतामा दुई घण्टाको प्रयासपछि नियन्त्रणमा लिइएको थियो ।
