भक्तपुर – नेपाली काँग्रेसका नेता डा. मिनेन्द्र रिजालले वर्तमान समयमा सडक आन्दोलन जुलुस हड्ताल भन्दा पनि संसदमा आएर संशोधनका बिषयमा छलफल अगाडि बढाए मात्र समाधानको उपाय निक्लने बताउनु भएको छ ।
रफत सञ्चार क्लबले आयोजना गरेको साक्षतकार कार्यक्रममा बोल्दै उहाँले एमालेले संबिधान संशोधनको पक्षमा नरहेता पनि संसदको पक्रियालई अवरुद्ध नगरि संशोधनको छलफलमा गए मात्र संबिधान कार्यान्वयनको पाटोले तिब्रता पाउने भन्दै सहकार्य र सम्झौता नै संबिधान कार्यान्वयनको सफल पक्ष रहेको बताउनु भयो ।
संबिधान संशोधनको प्रक्रियाले पूर्णता पाउन नसके तोकिएको मितिमा निर्वाचन असम्भव रहेको रिजालको टिप्पणी छ । मधेशी नेताले बोले बिदेशीले बोलेको भन्ने भ्रमलाई त्याग्दै मधेशका नागरिकको जायज मागलाइ सम्बोधन गर्नु पर्ने र संसदमा छलफल गर्दै गए अझ राम्रा संशोधन आउने र त्यसले नेपाललाई समृद्धि तर्फ लाँदै संबिधान कार्यान्वयनको पाटो मजबुद हुने उहाँले बताउनु भयो ।
