काठमाडौँ – प्रधानमन्त्री पुष्पकमल दाहालले प्रधानमन्त्री कार्यालय सिंहदरबारमा पत्रकार सम्मेलनको आयोजना गरी आज अपरान्ह ४ बजे सम्बोधन गर्नुहुने भएको छ ।
नेकपा (माओवादी केन्द्र)का अध्यक्ष दाहालको नेतृत्वमा नेपाली काँग्रेसको साथ र सहयोगमा गत साउन १९ गते नयाँ सरकार गठन भएको थियो ।
सो सम्बोधनमा प्रधानमन्त्री दाहालले सरकारले सय दिनमा गरेका उपलब्धि र समसामयिक राजनीतिक अवस्थाका बारेमा सम्बोधन गर्नुहुने प्रम दाहालका प्रेस सल्लाहकार गोविन्द आचार्यले जानकारी दिनुभयो ।
