टोकियो-खुकुरी एफसी, नेपाली कम्युनिटी फुकुओकाको आयोजना र क्यूएस रेमिटको मुख्य प्रायोजन तथा दिप प्यालेसको सह-प्रायोजनमा जापानको फुकुओकामा पहिलो समर फुटसल टुर्नामेन्ट-२०१६ (फुटवल प्रतियोगिता) हुने भएको छ । यही महिनाको २५ तारिख शनिवार फुकुओकाको हिगासी कुस्थित दिनो क्लवमा विहान १० बजेबाट खेल शुरू हुने आयोजकले बताएको छ । १२ टिमको सहभागिता हुने उक्त खेलमा एक समूहमा ४ टिम समावेश भइ ३ समूहमा खेल खेलाइने छ ।
पहिलो हुने टिमले १ लाख येन, प्रमाणपत्र र ट्रफी पुरस्कार प्राप्त गर्नेछ भने दोस्रो हुने टिमले ५० हजार येन, प्रमाणपत्र र ट्रफी पुरस्कार पाउनेछन् । टिम दर्ता शुल्क २० हजार राखिएको उक्त खेलबाट संकलित रकम धुर्मुस सुन्तलीको एकिकृत नमूना बस्ती निर्माण सहयोगार्थ रहने पनि आयोजकले बताएको छ । ***
