टोकियो – जापानको टोकियोमा यही मे १ तारिखका दिन आयोजना गर्न लागिएको म्युजिक मेलाको तयारी अन्तिम चरणमा पुगेको छ ।
मिडिया म्यासेजद्वारा सञ्चालित नेपाल सन्देश डटकमको तेस्रो वार्षिक उत्सवको अवसरमा मे १ तारिख आइतबार म्युजिक मेलाको आयोजना गर्न लागिएको हो । म्युजिक मेलाको तयारी अन्तिम चरणमा पुगेको र टिकट बिक्रीको काम धमाधम भइरहेको कार्यक्रम संयोजक तथा मिडिया म्यासेजका प्रबन्ध निर्देशक नविन निउरेले जानकारी दिनुभयो ।
म्युजिक मेलाका लागि नेपालबाट चर्चित कलाकारहरु सुगम पोखरेल, सम्झना लामिछाने मगर, रयापर निर्णय एनएसके, सहिमा श्रेष्ठ, नविन पौडेल जापान आउँदैछन् । साथै, कार्यक्रममा हाँस्य कलाकार कुमार श्रेष्ठ (फर्सिलाल) को समेत विशेष प्रस्तुती रहने बताइएको छ ।
कार्यक्रम मे १ तारिखमा टोकियोस्थित ओता सिटी हल इकेगामी खाइकानमा हुनेछ । म्युजिक मेलाका टिकटहरु जापानको टोकियोका विभिन्न स्थानमा विक्री भइरहेको निउरेले जानकारी दिनुभयो । ***
