काठमाडौं– ०६२/६३ को आन्दोलनपछि उठेको मधेस आन्दोलनको आकर्षणमा परेर नेपाली कांग्रेसको राजनीति छोडी मधेसी जनअधिकार फोरम नामको पार्टी निर्माण गरेका विजयकुमार गच्छदार नेपाली कांग्रेसमै फर्काउन कांग्रेस नेताहरु लागेका छन् ।फोरमबाट विभाजित भई फोरम (लोकतान्त्रिक) निर्माण गरेर त्यसैका तर्पmबाट हाल उपप्रधान तथा गृहमन्त्री रहेका गच्छदारलाई नेपाली कांग्रेसले ससम्मान भित्र्याउने कसरत गरेको सूत्रले जनाएको छ ।
कांग्रेस र एमालेले मधेसी फोरम जन्मिएपछि तराई क्षेत्रबाट आ–आफ्नो वर्चस्व गुमाएका छन् । तत्कालीन नेकपा माओवादीले नेकपा (एकताकेन्द्र)सित एकीकरण गरेपछि भने शक्तिशाली बन्न पुगेको परिप्रेक्ष्यमा उसलाई उछिन्ने ध्याउन्नमा लागेका कांग्रेस र एमाले पार्टीले आ–आफ्ना पुराना नेता, कार्यकर्ताहरूलाई फर्काउने अभियान थालेका छन् ।
स्रोतका अनुसार मंगलबारदेखि इटहरीमा सुरु हुने कांग्रेसको मधेस मिसनले यसबारे औपचारिक धारणा तय गर्ने छ ।
