काठमाडौं- सर्वोच्च अदालतले १४ वर्षदेखि स्थानीय निर्वाचन गराउन नसकेको बारे सरकारसँग कारण सोधेको छ । न्यायाधीश कमल नारायण दासको एकल इजलासले आइतबार सरकारसँग २०५४ सालदेखि स्थानीय स्तरको चुनाव हुन नसक्नुको लिखित कारण सोधेको हो ।जिल्ला विकास समिति तर्फबाट माधवप्रसाद पौडेलले फागुन १६ गते सर्वोच्चमा दायर गरेको रिटमा सर्वोच्चले रिटलाई अग्राधिकार दिँदै चुनाव हुन नसक्नुको कारण सोधेको हो ।
प्रधानमन्त्री तथा मन्त्री परिषद्को कार्यालय, व्यवस्थापिका संसद, स्थानीय विकास मन्त्रालयलाई विपक्षी बनाइएको रिटमा पौडेलले चुनावको मिति छिट्टै तय हुनुपर्ने माग राखेका छन् । चुनाव हुन नसक्दा स्थानीय स्तरको विकास कार्यक्रम अलपत्र परेकोले यथासक्य चुनाव हुनुपर्ने माग रिटमा गरिएको छ ।
