काठमाडौं, फाल्गुन ९ – सर्वोच्चले गैरकानुनी सम्पति आर्जन गरी भ्रष्टाचार गरेको ठहर गरी सजाय सुनाएपछि सूचना तथा सञ्चार मन्त्री जेपी गुप्ताले आफ्नो राजनीतिक यात्रा समाप्त भएको घोषणा गरेका छन् ।सर्वोच्च अदालतले भ्रष्टाचार मुद्दामा दोषी ठहर गर्दै डेढ वर्ष कैद र ८४ लाख रुपैयाँ बिगो जरिवाना सुनाएपछि बाहिरिएका गुप्ताले सञ्चारकर्मीसँग यस्तो प्रतिक्रिया जनाएका हुन् ।
पहिलो कुरा त म २०-२५ वर्ष मिडियाका साथीहरूसँग थिए । फैसलाले गर्दा परिस्थितिमा परिवर्तन आएको छ । अब म एउटा राजनीतिक पार्टीको नेताक रूपमा, राजनीतिक पार्टीको कार्यकर्ताको रूपमा सायद तपाईंहरूसँग मेरो यसरी भेटघाट हुनेछैन ।
गम्भीर प्रकृतिको यस्तो फौजदारी मुद्दामा सजाय भएपछि उनले भविष्यमा कुनै पनि सार्वजनिक पद धारण गर्न कानुनले दिदैन।
