काठमाडौं– वैशाख १२ गते गएको महाभूकम्पमा मृत्यु हुनेको संख्या ७ हजार ७ सय ५९ जनाको ज्यान गएको छ ।
गृहमन्त्रालयले बिहीबार बिहान दिएको जानकारीअनुसार घाइते हुनेको सङ्ख्या १६ हजार ४३२ पुगेको छ ।
हालसम्म मृत्यु हुनेको सङ्ख्या सिन्धुपाल्चोकमा सबैभन्दा धेरै दुई हजार ९९१ पुगेको छ भने काठमाडौंमा एक हजार २१० पुगेको छ ।
भूकम्पका कारण १० हजार ७९० सरकारी घर तथा भवन पूर्ण रुपमा क्षति भएका छन् । आंशिकरुपमा १४ हजार ९९७ घर तथा भवन क्षति भएका छन् ।
सर्वसाधारणका दुई लाख ८८ हजार ७९८ घर पूर्ण क्षति भएका छन् भने आंशिक दुई लाख ५४ हजार ११२ घर क्षति भएको मन्त्रालयले जनाएको छ ।
