काठमाडौं– माओवादीले संविधानका विवादित विषयलाई जनतामा फर्काउनुपर्ने माग गरेको छ ।
उसले दलहरूमा मिलेका विषयलाई मस्यौदाका लागि प्रक्रियामा पठाउने र नमिलेका विषय जनतामा फर्काउने गरी नयाँ विकल्प अघि सारेको हो ।
एमाओवादी पोलिटब्युरो सदस्य देवेन्द्र पौडेलले दलहरूबीच मिलेका विषय मस्यौदाको प्रक्रियामा पठाउने र विवादित विषय जनतामा नै फर्काएर संविधान जारी गर्नुपर्ने धारणा राखे ।
पौडेलले एमाओवादीले विकल्पसहित सत्तारुढ कांग्रेस एमालेसँग वार्ता गर्ने जानकारी दिए ।
एमाओवादीले मस्यौदा प्रक्रियामा पठाउँदा एमाओवादी उपाध्यक्ष डा. बाबुराम भट्टराई सभापति रहेको विवाद समाधान उपसमितिमार्फत पठाउनुपर्ने अडान लिएको छ ।