कावासोती– नेकपा एमालेका अध्यक्ष केपी शर्मा ओलीले प्रक्रियाबिना संविधान नबन्ने बताउनुभएको छ ।
मदन भण्डारी स्पोर्ट्स एकेडेमीले कावासोतीमा सोमबार गरेको पिपुल कन्सर्टको उद्घाटन गर्दै अध्यक्ष ओलीले भन्नुभयो, “संविधानसभाले प्रक्रियाबाटै संविधान निर्माण गर्ने हो, त्यो प्रक्रिया थाल्दा बहुमतीय हुन्छ भन्ने कुरा फिक्का हुन्छ ।” उहाँले भन्नुभयो, “सहमतिमा अगाडि बढ्छौँ र सहमति हुन बाँकी विषयमा आगामी दिनमा सहमति गर्दै जान्छौ ।”
माओवादीले दुई प्रधानमन्त्री बनाउँदासमेत संविधान निर्माण गर्न नसकेको ओलीको आरोप थियो । ठूलो पार्टी हुँदा पनि माओवादीले संविधान बनाउने काम नगरेको भन्दै उहाँले अबको आन्दोलन संविधान बनाउन कि, के का लागि भन्ने प्रश्न गर्नुभयो ।
