मृतकको सङ्ख्या २२ पुग्यो
जाजरकोट- जाजरकोटमा फैलिएको सिजिनल फ्लु, स्वाइन फ्लु कारण शुक्रबार बेलुका थप एक नवजात शिशुको निधन भएको छ ।
पजारु गाविस–५ मा २७ दिनको अमृता अधिकारीको निधन भएको हो । योसहित यहाँ मृतकको सङ्ख्या २२ पुगेको जनाइएको छ ।
स्वास्थ्य तथा जनसंख्या मन्त्रालयका सचिव शान्तबहादुर श्रेष्ठले भने जाजरकोटसहित संक्रमण सर्ने सम्भावना भएका जुम्ला, कालिकोट, दैलेख, सुर्खेतसहितका ६ जिल्लामा पनि स्वास्थ्य टोली पठाएको जानकारी दिए ।
