काठमाडौ – संविधान निर्माण र शान्ति प्रक्रियालाई लिएर दलहरुबीच ध्रुविकरण बढ्दै गएको बेला भारतीय राजदूत जयन्त प्रसादले बुधबार बिहान माओवादी अध्यक्ष पुष्पकमल दाहालसंग भेटवार्ता गरेका छन् ।नयाँ बजारस्थित दाहाल निवासमा भएको भेटवार्तामा प्रसादले राजनीतिक दलहरुबीच बढ्दै गएको दुरीप्रति चिन्ता व्यक्त गरेका छन् ।
राजदूत प्रसादले माओवादीले गर्ने भनेको जनपरिचालनका विषयमा पनि दाहालसंग जिज्ञासा राखेका थिए । दाहाल र प्रसादबीचको भेटमा समसामयीक राजनीतिक चर्चा संगै नेपाल र भारतबीचको सम्बन्ध तथा सहयोग बारेपनि छलफल भएको थियो ।
