फोटो जलाउँदैमा गिरफ्तार गर्नु उचित होइन : प्रचण्ड

काठमाडौं – नेकपा माओवादी केन्द्रका अध्यक्ष एवं पूर्वप्रधानमन्त्री पुष्पकमल दाहाल ‘प्रचण्ड’ले फोटो जलाउँदैमा पक्राउ गर्नु उचित नहुने बताएका छन् । उनले आइतबार सामाजिक सञ्जाल फेसबुकमा स्टाटस लेख्दै लोकतन्त्रमा विरोधका विभिन्न रूप हुने र फोटो जलाउँदैमा गिरफ्तार गर्नु उचित नहुने बताएका हुन् ।

प्रचण्डको फोटो जलाउने राप्रपाका युवा नेता निराजन बमलाई प्रहरीले पक्राउ गरेको छ । उनलाई चितवनको भरतपुर विमानस्थलबाट प्रहरीले पक्राउ गरेको हो । शनिबार मकवानपुरको हेटौँडामा भएको एक कार्यक्रममा बमले प्रचण्डको तस्बिर जलाएका थिए ।