राष्ट्रपतिले गरे ४ विधेयक प्रमाणीकरण

समाचार सुन्नुहोस : 

काठमाडौँ – राष्ट्रपति रामचन्द्र पौडेलले संघीय संसद्को दुवै सदनबाट पारित भएका चारवटा विधेयक प्रमाणीकरण गरेका छन्। राष्ट्रपति कार्यालयकी प्रवक्ता शैलजा रेग्मी भट्टराईले आइतबार यस बारे जानकारी दिएकि छिन्।

प्रमाणीकरण भएका विधेयकहरूमा सुरक्षित कारोबार ऐन, २०६३ मा संशोधन गर्ने विधेयक, इलेक्ट्रोनिक व्यापार (इ–कमर्स) सम्बन्धी व्यवस्था गर्ने विधेयक, विधायन सम्बन्धी व्यवस्था गर्ने विधेयक र भ्रष्टाचार निवारण ऐन, २०५९ मा संशोधन गर्ने विधेयक समावेश छन्।

संविधानको धारा ११३ को उपधारा (२) बमोजिम यी विधेयकहरू प्रमाणीकरण भएका हुन्। यी विधेयकहरू अब कानूनको रूपमा लागू हुनेछन्।