नेपाल र हङकङबीचको खेल वर्षाका कारण रद्द

समाचार सुन्नुहोस : 

काठमाडौँ – वुमन्स डे कप टी–२० अन्तर्राष्ट्रिय क्रिकेट शृङ्खलामा नेपाल र हङकङबीच तेस्रो स्थानका लागि हुन लागेको खेल आज वर्षाका कारण रद्द भएको छ। युगान्डाको एन्टेब्बे क्रिकेट ओभलमा दिउँसो पौने १ बजे हुनुपर्ने खेलमा वर्षाको असरले गर्दा टससमेत हुन सकेको थिएन।

यस शृङ्खलामा नेपालले ६ खेलमा २ जित हासिल गरी ४ अङ्क जोडेको थियो भने हङकङले ६ अङ्कका साथ तेस्रो स्थानमा रहेको थियो। यसै चारदेशीय प्रतियोगिताको फाइनल खेल बेलुका पौने ५ बजे आयोजक युगान्डा र नामिबियाबीच हुनेछ। युगान्डाले ८ अङ्कका साथ शीर्ष स्थान हासिल गरेको छ भने नामिबिया नेट रन रेटका आधारमा दोस्रो स्थानमा रहेको छ। दुवै टोली फाइनलमा प्रवेश गरेका छन्।