ज्ञानेन्द्र शाहीको प्रश्न- मदन भण्डारीको हत्या कसले गरेको हो किन पत्ता नलगाएको ?

समाचार सुन्नुहोस : 

काठमाडौँ – राष्ट्रिय प्रजातन्त्र पार्टी (राप्रपा) का सांसद ज्ञानेन्द्र शाहीले पछिल्ला १६ वर्षमा १४ वटा सरकार परिवर्तन भएको र धेरै नेताहरूले बारम्बार मन्त्री बन्ने अवसर पाएको बताए। उनले यसबीचमा संसदमा भाषण गर्ने धेरै नेताहरूका छोराछोरी अमेरिका र युरोपमा पढिरहेको दाबी पनि गरे।

शाहीले जनताबाट प्रत्यक्ष रूपमा निर्वाचित प्रधानमन्त्रीको आवश्यकतामा जोड दिए। उनले राजनीतिक अस्थिरताको अन्त्य गरी दीर्घकालीन विकासका लागि प्रत्यक्ष निर्वाचन प्रणाली अपनाउनुपर्ने बताए।

त्यस्तै मदन भण्डारीको हत्या कसले गरेको हो भनेरसमेत प्रश्न गरे। उनले भने, ‘मदन भण्डारीको हत्या कसले गरेको हो किन पत्ता नलगाएको ? भण्डारीका हत्यारा पत्ता लगाउँछु भन्ने नेता अहिले र पटकपटक प्रधानमन्त्री बन्नुभयो तर हत्यारा किन पत्ता लागेन ?’